WSJ: Avropa 2026-cı ildə Kiyevin bütün maliyyə tələblərini qarşılaya bilməyəcək

Avropa ölkələri Ukrayna hakimiyyətinin tələb etdiyi əlavə, milyardlarla dollar həcmində maliyyələşməni təmin etmək imkanında deyil.

"Report" xəbər verir ki, bu barədə "The Wall Street Journal" məlumat yayıb.

Qəzetin yazdığına görə, avropalı rəsmilər qapalı görüşlərdə Ukraynanın "istədiyi bütün vəsaiti ödəyə bilməyəcəklərini" bildirirlər.

Qeyd olunur ki, hazırda Avropa İttifaqında yeni maliyyə vəsaitlərinin ayrılması ilə bağlı müzakirələrin yenidən gündəmə gətirilməsindən çəkinirlər. Buna səbəb belə bir qərarın mümkün siyasi nəticələri ilə bağlı narahatlıqlardır.

Xatırladaq ki, bundan əvvəl Kanadanın Ukraynaya raketlərin alınması üçün 250 milyon dollardan çox vəsait ayıracağı məlum olub.