Vuçiç Avropanın genişmiqyaslı müharibə astanasında olduğunu bildirib

Serbiya Prezidenti Aleksandar Vuçiç Avropanın daha genişmiqyaslı silahlı münaqişə astanasında olduğunu bildirib.

"Report"un məlumatına görə, o, bunu "Axel Springer"in İdarə Heyətinin sədri Matias Döpfnerin podkastında deyib.

"Düşünürəm ki, biz daha böyük müharibənin başlanğıcındayıq", - deyə Vuçiç bildirib.

Onun sözlərinə görə, son vaxtlar kimsənin Rusiya-Ukrayna münaqişəsində sülhə nail olmaq üçün səy göstərəcəyinə ümid edirdi. Lakin serb liderin qeyd etdiyi kimi, bu baş verməyib və onun fikrincə, yaxın vaxtlarda da baş verməyəcək.

"Bu o deməkdir ki, biz daha genişmiqyaslı müharibənin astanasındayıq", - deyə Vuçiç bildirib.