Tramp Qəzzanın münaqişədən sonra ABŞ-yə verilməsini təklif edib

ABŞ Prezidenti Donald Tramp Qəzzada hərbi əməliyyatlar başa çatdıqdan sonra Vaşinqtonun anklavı öz nəzarətinə götürməli olduğunu bəyan edib.

“Report” xarici mediaya istinadən xəbər verir ki, o, bu barədə “Truth Social” şəbəkəsində yazıb.

"Hərbi əməliyyatlar başa çatdıqdan sonra İsrail Qəzza zolağını ABŞ-yə verməlidir", - o qeyd edib.

D.Tramp bildirib ki, ABŞ "yer üzündə ən böyük və möhtəşəm layihələrdən birinin həyata keçirilməsinə yavaş-yavaş başlaya bilər və bu məqsədlər üçün "heç bir ABŞ hərbçisinə ehtiyac olmayacaq".

"Regionda sabitlik təmin olunacaq", - prezident qeyd edib.