Tramp: Mask dostunu NASA-nın rəhbəri təyin etməyi xahiş edib

Amerika prezidenti Donald Tramp bildirib ki, İlon Mask ondan yaxın dostunu ABŞ Milli Aeronavtika və Kosmik Fəzanın Tədqiqi İdarəsinin (NASA) direktoru təyin etməsini xahiş edib.

"Report"un məlumatına görə, ABŞ lideri bu barədə "Truth Social" platformasında yazıb.

"Mask məndən öz yaxın dostlarından birini NASA-nın rəhbəri təyin etməyimi xahiş etdi və mən onun dostunun çox yaxşı olduğunu düşünsəm də, onun əvvəllər heç vaxt respublikaçılara vəsait bağışlamayan mavi qanlı demokrat olduğunu öyrəndiyim zaman təəccübləndim. İlon da, böyük ehtimal, onun kimi idi", - o bildirib və əlavə edib ki, bu addımı həm də ona görə ata bilməzdi ki, "NASA İlonun korporativ həyatında bu qədər mühüm rol oynayır".