Tramp Avropaya Ukrayna üçün ABŞ-dən silah almağa icazə verəcək

Vaşinqton administrasiyası Avropa ölkələrinə Ukraynaya çatdırılmaq üçün Amerika hərbi-sənaye kompleksindən silah və digər məhsullar almağa icazə verəcək.

“Report” xəbər verir ki, bu barədə ABŞ prezidenti Donald Tramp bildirib.

Belə bir icazənin olub-olmayacağı ilə bağlı suala ABŞ dövlət başçısı deyib: “Bəli, edəcəyəm”.

Keçən həftə ABŞ-ın müdafiə naziri Pit Heqset Ukraynaya silah tədarükünü əlaqələndirən Qərb təmas qrupunun Brüsseldə keçirilən iclasında deyib ki, gələcəkdə Kiyevə ölümcül və qeyri-öldürücü yardımın əsas payı Vaşinqtondan yox, avropalılardan gəlməlidir.