Serbiyanın Starçevo şəhərciyində partlayış nəticəsində 1 nəfər ölüb, 2 nəfər yaralanıb

Ötən gecə Serbiyanın Starçevo şəhərciyində fərdi evin həyətində baş vermiş partlayış nəticəsində 1 nəfər ölüb, 2 nəfər yaralanıb.

"Report" xəbər verir ki, bu barədə Serbiya Daxili İşlər Nazirliyi məlumat yayıb.

Bildirilib ki, hadisə partlayıcı qurğunun işə düşməsi nəticəsində baş verib. Zərərçəkənlər təcili olaraq tibb müəssisəsinə çatdırılıb və orada onlara lazımi yardım göstərilib.

Məlumat daxil olduqdan sonra polis dərhal hadisə yerini mühasirəyə alıb.

Hadisə yerinə baxış davam edir və yurisdiksiyasına Starçevonun daxil olduğu Pançevo şəhər prokurorluğu ilə birlikdə aparılır.