Rusiya Odessaya zərbə endirib, "Çernomorets"in stadionu zədələnib

Rusiya ordusu Odessaya (Ukrayna) zərbə endirib, nəticədə "Çernomorets" futbol stadionu zədələnib.

"Report" Ukrayna mediasına istinadən xəbər verir ki, bu barədə Odessa Vilayət Hərbi Administrasiyasının rəhbəri Oleq Kiper və Odessa Şəhər Hərbi Administrasiyasının rəisi Sergey Lısak bildiriblər.

"Dam örtüyü, şüşələr və tribunalar dağıntılara məruz qalıb. İlkin məlumata görə, təəssüf ki, bir nəfər xəsarət alıb", - o deyib.

Lısak qeyd edib ki, zərbə nəticəsində şəhərin idman infrastrukturu da zərər görüb, hücumun bütün təfərrüatları və dağıntıların miqyası isə dəqiqləşdirilir.

Yerli teleqram kanallarının məlumatına görə, stadionun ətrafında yanğın baş verib, zərbələr dalğası nəticəsində isə pəncərələr sınıb.