Misirdə batan gəmidən 28 nəfər xilas edilib - YENİLƏNİB

Qırmızı dənizdə Misirin Marsa-Alam şəhəri sahillərində batan "Sea Story" gəmisindən 28 nəfər xilas edilib.

“Report” xarici KİV-ə istinadən xəbər verir ki, bu barədə Qırmızı dəniz vilayətinin qubernatoru Amr Hanafi məlumat verib.

Məlumata görə, "Sea Story" turist gəmisinin batması ilə bağlı hadisədən sonra 28 nəfər xilas edilib. İtkin düşən 17 nəfərin axtarışları davam edir.

14:19

Misirin Marsa-Alam şəhəri yaxınlığında içərisində 30-dan çox turistin olduğu yaxta batıb.

“Report” xəbər verir ki, bu barədə əyalət hökuməti məlumat yayıb.

Bildirilib ki, sərnişinlərin bəziləri sağ tapılıb. Hazırda digərlərinin axtarışı davam edir.