Litva seymi növbədənkənar seçkilərin keçirilməsi təklifini rədd edib

Litva parlamenti hökumət üzvlərinin xərcləri ilə bağlı qalmaqal fonunda hakim partiyanın növbədənkənar seçkilərin keçirilməsi təklifini rədd edib.

“Report” xəbər verir ki, bu barədə Litva KİV-ləri məlumat yayıb.

Seymin 66 deputatı növbədənkənar seçkilərin keçirilməsinin lehinə, 61 deputat əleyhinə səs verib, 8 deputat bitərəf qalıb.

Xatırladaq ki, Nazirlər Kabinetinin üç üzvü daxil olmaqla, bir çox siyasətçinin bələdiyyə müşaviri vəzifəsində çalışarkən maliyyə vəsaiti əldə etməsi barədə mətbuatda yayılan xəbərlərdən sonra hakim partiya – Litva Vətən İttifaqı-Xristian Demokratlar partiyası parlamentin buraxılmasını və siyasi sistemi “yenidən qurmaq” üçün növbədənkənar seçkilərin keçirilməsini təklif edib.