“Le Monde”: Fransa ABŞ-nin Avropa kiberməkanında iştirakının artmasından narahatdır

ABŞ-nin Avropa kiberməkanında artan iştirakı Fransa hərbçilərini narahat edən məsələdir.

“Report” xəbər verir ki, bu barədə “Le Monde” qəzeti yazıb.

Fransanın kibermüdafiə komandanlığının rəhbəri, general Emerik Bonmezonun sözlərinə görə, ABŞ hərbi kibertəhlükəsizlik üzrə mütəxəssis qruplarının Avropada Rusiyanın Ukraynaya qarşı hərbi təcavüzü başlamasından sonra “Rusiyanın mümkün müdaxiləsini izləmək” məqsədilə həyata keçirdiyi texniki dəstək əməliyyatları narahatlıq doğurur.

Onun sözlərinə görə, ABŞ-dən olan ekspertlər “yetərincə aqressiv” hərəkət edirlər.

Generalın fikrincə, ABŞ-dən olan kiberhərbçilərə şəbəkələrin açılması ilə dövlətlər öz daxili siyasətlərinə təsir etmək riski ilə üz-üzə qalırlar.