Latviya Seymi Baş nazirin "qızıl viza"larla bağlı təklifini qəbul etməyib

Latviya Seymi Baş nazir Andris Kulberqsin və iqtisadiyyat naziri Viktor Valaynisin "qızıl viza"ların və ya müvəqqəti yaşamaq üçün icazələrin verilməsi ilə bağlı təkliflərini dəstəkləməyib.

"Report" xəbər verir ki, bu barədə LSM portalı məlumat yayıb.

29 deputat təklifin lehinə, 41 deputat əleyhinə səs verib, daha 16 deputat bitərəf qalıb.

Qanunun hazırlanması zamanı ovaxtkı deputat, indiki Baş nazir Kulberqs işçi sayı 50 nəfərdən, illik dövriyyəsi və ya illik balansı isə 10 milyon avrodan çox olmayan müəssisəyə 50 min avro investisiya qoymaq şərti ilə dövlət büdcəsinə 10 min avro məbləğində ödəniş müqabilində beş il müddətinə yaşayış icazəsinin verilməsini təklif etmişdi.