Kolumbiyada naməlum şəxslər vitse-prezidentin avtomobilinə atəş açıblar

Kolumbiyanın vitse-prezidenti Fransiya Markesin səyahət etdiyi avtomobil ölkənin qərbində atəşə tutulub.

“Report” TASS-a istinadən xəbər verir ki, bu barədə Kolumbiyanın vitse-prezidentinin bəyanatında deyilir.

“Təhlükəsizliyim mənə bildirdi ki, mənim adətən səyahət etdiyim vitse-prezident kortejindəki əsas avtomobil mərmi ilə vurulub, görünür, tüfəngdən atılıb”, – siyasətçi bildirib. O, hadisə zamanı avtomobildə olmadığını və hücum nəticəsində xəsarət alan olmadığını vurğulayıb.

Kolumbiyanın vitse-prezidentinin sözlərinə görə, fövqəladə hadisə o, işgüzar səfərdə olduğu ölkənin qərbində, Kauka departamentində Suares bələdiyyəsini tərk etdikdən sonra baş verib.