İsveç sülh dövründə nüvə silahı və ya NATO bazalarının yerləşdirilməsi üçün heç bir səbəb görmür

İsveç sülh dövründə öz ərazisində nüvə silahı və ya daimi NATO bazalarının yerləşdirilməsi üçün heç bir səbəb görmür.

“Report” TASS-a istinadən xəbər verir ki, bu mövqe krallığın Şimali Atlantika Alyansına qoşulması ilə bağlı xarici işlər naziri Tobias Billström tərəfindən parlamentdə təqdim olunan xarici siyasət bəyannaməsində qeyd olunub.

“İsveç parlamentdə geniş dəstək alaraq NATO-ya üzv olmaq üçün müraciət edib. Bu mövqe qətidir, lakin digər Skandinaviya ölkələrində olduğu kimi, sülh dövründə İsveç torpağında nüvə silahının və ya daimi bazaların olması üçün heç bir səbəb yoxdur”, - sənəddə vurğulanıb.