Fransada yuxarı siniflərdə mobil telefonlar qadağan edilib

Fransada yeni tədris ilindən yuxarı sinif şagirdlərinə məktəblərdə mobil telefonlardan istifadə etmək qadağan ediləcək.

"Report" xəbər verir ki, müvafiq qanunu Fransa Prezidenti Emmanuel Makron imzalayıb.

"Mən tədris ilinin əvvəlindən yuxarı siniflərdə mobil telefonların qadağan edilməsi haqqında qanunu imzaladım", - o, "X" sosial şəbəkəsində yazıb. Makronun fikrincə, bu addım tədris prosesinə müsbət təsir göstərəcək.

Daha əvvəl Makron dəfələrlə bildirib ki, ölkədə gənclərin sosial şəbəkələrə meylliliyi onların psixi sağlamlığına mənfi təsir göstərir.