Estoniya BMT-nin miqrasiya haqqında sazişini dəstəkləməkdən imtina edib

Bakı. 15 noyabr. REPORT.AZ/ Estoniya hökuməti BMT-nin miqrasiya haqqında sazişinə qoşulmaqdan imtina imtina edib.

"Report"un məlumatına görə, bu barədə ölkənin Nazirlər Kabinetinin mətbuat xidməti xəbər verir.

Qeyd edilir ki, Estoniya hökuməti bu məsələ ilə bağlı iclasda sənədə dəstəklə əlaqədar konsensusa gəlməyib. Bu isə sazişdən imtina deməkdir.

"Koalisiya yaradılanda razılığa gəlmişik ki, bütün qərarlar konsensus əsasında çıxarılacaq. Təəssüf ki, bu gün (sənədlə bağlı -red) konsensus əldə olunmayıb", - deyə baş nazir Yuri Ratas bildirib.