Baş nazirin müavini: "Türkiyə Suriya məsələsi üzrə Rusiya və İranla əməkdaşlıqdan imtina etməyəcək"

Digər ölkələr

16 aprel, 2018
08:18

Baş nazirin müavini: Türkiyə Suriya məsələsi üzrə Rusiya və İranla əməkdaşlıqdan imtina etməyəcək

Türkiyə baş nazirinin müavini və hökumət sözçüsü Bəkir Bozdağ

Report.az-ı Google seçilmiş mənbələrinə əlavə edin

Yeniliklərdən dərhal xəbərdar olun!

Bakı. 16 aprel. REPORT.AZ/ "Rəsmi Ankara Suriyadakı münaqişənin həllinə faydası olacağı təqdirdə Rusiya və İranla əməkdaşlıqdan imtina etməyəcək."

"Report" RİA "Novosti"yə istinadən xəbər verir ki, bu barədə Türkiyə baş nazirinin müavini Bəkir Bozdağ Fransa Prezidenti Emmanuel Makronun ABŞ, Fransa və Böyük Britaniyanın Suriyaya raket zərbəsi endirməsinin Rusiya ilə Türkiyəni ayırdığına dair bəyanatına münasibət bildirərkən söyləyib.

"Siyasətimiz doğru işə xidmət edir. Buna uyğun olaraq, birlikdə hərəkət etmək niyyətində olduğumuz, haqq tərəfində olan ölkələri seçirik. Bu, Suriya üzrə siyasətimizin maraqlarına xidmət edərsə, biz həm ABŞ, həm də Rusiya və İranla hərəkət edəcəyik", - B.Bozdağ deyib.