Amerikalıların 47 %-i Trampı ən pis prezidentlərdən biri hesab edir

Amerikalıların təxminən yarısı hazırkı prezident Donald Trampın ABŞ tarixindəki ən pis prezidentlərdən biri kimi xatırlanacağını hesab edir.

“Report” xəbər verir ki, bunu NPR radiostansiyası, “PBS NewsHour” proqramı və “Marist” sosioloji şirkətinin keçirdiyi sorğunun məlumatları göstərir.

Sorğu nəticələri amerikalıların 47 %-nin belə düşündüyünü göstərib.

Respondentlərin 16 %-i isə Trampın ABŞ tarixinin ən yaxşı prezidentlərindən biri kimi xatırlanacağına inanırlar.

“Tramp necə xatırlanacaq” sualına rəyi soruşulan amerikalıların 11 %-i “ortadan yaxşı” və “nisbətən orta”, 13 %-i isə “ortadan daha pis” cavabını verib.

Sorğu yanvarın 11-dən 13-dək olan dövrdə aparılıb və 1 173 respondent iştirak edib.