Amerika hərbçilərinin 46 faizi tezliklə hərbi münaqişənin başlanacağına əmindir

Bakı. 18 oktyabr. REPORT.AZ/ Amerika hərbçilərinin təqribən yarısı (46%) hesab edir ki, ABŞ tezliklə ciddi hərbi əməliyyatlara cəlb olunacaq.

"Report" xəbər verir ki, "Military Times" nəşrinin keçirdiyi sorğunun nəticələri bunu göstərir.

Sorğuda iştirak edən Amerika hərbçilərinin 46 faizi hesab edir ki, onların ölkəsi gələn il ərzində hərbi əməliyyatlarda iştirak edəcək. Respondentlərin 50 faizi əmindir ki, ABŞ gələn il hərbi münaqişəyə cəlb olunmayacaq. Rəyi soruşulanların 4 faizi bu suala cavab verməkdə çətinlik çəkib.

Nəşr yazır ki, 2017-ci ilin sentyabrında keçirilmiş sorğunun nəticələrinə əsasən rəyi soruşulanların cəmi 5 faizi hərbi münaqişənin olacağını gözləyirdi.