ABŞ-də təyyarə qəzası baş verib, ölənlər var

ABŞ-nin Arizona ştatındakı kiçik bir hava limanında təyyarənin qəzaya uğraması nəticəsində iki nəfər ölüb.

"Report" xəbər verir ki, bu barədə Marana şəhərinin meri Con Posta istinadən "NBC news" məlumat yayıb.

O qeyd edib ki, hazırda həlak olanların demək olar ki, hamısının meyitləri ailələrinə təhvil verilib.

Onun sözlərinə görə, təyyarə uçuş-enmə zolağından kənara çıxaraq alışıb.

Şəhər rəhbərliyinin nümayəndəsi Vik Heteuey təyyarənin göyərtəsində iki nəfərin olduğunu bildirib. Onların kimliyi müəyyənləşdirilməyib.

Marana polisinin məlumatına görə, insident zamanı digər hava gəmilərinə ziyan dəyməyib.