ABŞ-da atışma olub, ölən və xəsarət alanlar var - FOTO

ABŞ-ın Texas ştatında atışma olub.

“Report” xarici mətbuata istinadən xəbər verir ki, hadisə San-Markos şəhərində qeydə alınıb.

Məlumata görə, hadisə nəticəsində bir polis əməkdaşı həlak olub, daha iki nəfər yaralanıb.

Şəhər polisi özünün “Facebook” səhifəsində yerli sakinlərə evlərini tərk etməməyə çağırıb.

Bildirilir ki, polis məişət zorakılığı ilə bağlı zəngdən sonra şikyətin edildiyi ünvana gedib. Nəticədə asayiş keşikçiləri pusquya düşüblər. Belə ki, cinayətkar tüfənglə onlara atəş açıb.

Tallison Auqusto

Hadisə zamanı yaralanmış polis əməkdaşları xəstəxanaya yerləşdirilib və cərrahi əməliyyat ediliblər. Onlardan birinin vəziyyəti ağırdır.

Polisin məlumatına görə, hadisəni törədən şəxs özünü öldürüb.