Qərbi Ukraynada Xocalı soyqırımı ilə bağlı bilbordlar quraşdırılıb

Ukraynanın qərb hissəsinin aparıcı bölgəsi olan İvano-Frankovskdə Xocalı soyqırımının 30-cu ildönümü ilə bağlı bilbordlar quraşdırılıb.

"Report"un Şərqi Avropa bürosunun məlumatına görə, bilbordlar İvano-Frankovsk Azərbaycanlıları Konqresi tərəfindən yerləşdirilib.

İvano-Frankovsk Azərbaycanlıları Konqresinin sədri Mətləb Nəcəfov bildirib ki, Xocalı soyqırımı ilə bağlı bilbordlar şəhərin mərkəzi Qalitska, Dnistrovska və Naberejna küçələrində quraşdırılıb.

Xocalı soyqırımı ilə əlaqədar yerli dildə məlumat və görüntülər əks olunan bilbordlar ayın sonuna kimi nümayiş olunacaq.

Bundan başqa bölgə mətbuatında soyqırımı ilə bağlı informasiya və məqalələr də dərc olunub.

Qərbi Ukraynada Xocalı soyqırımı ilə bağlı bilbordlar quraşdırılıb