Naxçıvanda son 6 ayda 60 nəfər ad, soyad və ata adını dəyişib

Naxçıvan Muxtar Respublikasında (MR) 2026-cı ilin ilk altı ayı ərzində ad, soyad və ata adının dəyişdirilməsi ilə bağlı 60 müraciət üzrə dövlət qeydiyyatı aparılıb.

Bu barədə "Report"un yerli bürosuna Naxçıvan MR Ədliyyə Nazirliyindən məlumat verilib.

Bildirilib ki, qanunvericiliyin tələblərinə uyğun olaraq vətəndaşların ad, soyad, ata adının dəyişdirilməsi ilə bağlı daxil olan 60 müraciət müvafiq qaydada araşdırılıb və dövlət qeydiyyatı həyata keçirilib.

Qeyd edək ki, ölkədə ad, soyad və ata adının dəyişdirilməsi Ailə Məcəlləsinə və Nazirlər Kabinetinin təsdiq etdiyi "Vətəndaşlıq vəziyyəti aktlarının dövlət qeydiyyatı Qaydası"na uyğun olaraq həyata keçirilir.