Böyük Qaladərəsi kənd sakini: Bu gün 34 ildən sonra doğma kəndimizə köçürük

Şuşa rayonunun Böyük Qaladərəsi kənd sakini İsmayıl Abbasov 34 ildən sonra doğma kəndlərinə köçdüklərini söyləyib.

O, "Report"a açıqlamasında bildirib ki, Böyük Qaladərəsi kəndinə ilkin mərhələdə 14 ailə köçür:

"Bu köçün davamlı olacağına inanıram. Allah şəhidlərimizə rəhmət eləsin. Onların sayəsində bu gün 34 ildən sonra doğma kəndimizə köçürük".

Qeyd edək ki, Şuşanın Böyük Qaladərəsi kəndinə mayın 25-də ilk köç karvanı yola salınıb. Köç edən sakinlər respublikanın müxtəlif yerlərində, əsasən yataqxanalarda, sanatoriya və inzibati binalarda müvəqqəti məskunlaşmış ailələrdir.