Azərbaycan Türkiyədən elektrik məhsulları idxalına çəkdiyi xərci 8 %-ə yaxın artırıb

Bu ilin yanvar ayında Azərbaycan Türkiyədən 16,225 milyon ABŞ dolları dəyərində elektrik məhsulları idxal edib.

"Report" Türkiyə İxracatçılar Məclisinə istinadən xəbər verir ki, bu, ötən ilin eyni dövrünə nisbətən 7,7 % azdır.

Hesabat dövründə Türkiyənin elektrik məhsulları ixracının dəyəri illik müqayisədə 9,7 % artaraq 1,342 milyard ABŞ dollarına çatıb.

Türkiyədən ən çox elektrik məhsulları idxalını Böyük Britaniya 131,285 milyon ABŞ dolları (1 il əvvələ nisbətən 7,5 % çox), Almaniya 108,872 milyon ABŞ dolları (2,5 % çox) və ABŞ 83,015 milyon dolları (44,2 % çox) dəyərində həyata keçirib.