Azərbaycan süd və qaymaq idxalını 22 %-ə yaxın artırıb

Bu ilin I yarısında Azərbaycan 8 038 ton süd və qaymaq idxal edib.

“Report” Dövlət Gömrük Komitəsinə istinadən xəbər verir ki, bu həcmdə süd və qaymağın dəyəri 13 milyon 128 min ABŞ dolları təşkil edib.

Bunlar, ötən ilin eyni dövrü ilə müqayisədə həcm baxımından 1 434 ton (21,7 %), dəyər baxımından isə 2 milyon 789 min ABŞ dolları (26,9 %) çoxdur.

Hesabat dövründə süd və qaymaq idxalına çəkilən xərc Azərbaycanın ümumi idxal xərclərinin 0,1 %-ni təşkil edib.