Azərbaycan Rusiyadan qoyun alışını 47 dəfə artırıb

Bu ilin I rübündə Azərbaycan 1,1 milyon ABŞ dolları dəyərində 10 min 115 ədəd diri qoyun idxal edib.

“Report”un Dövlət Statistika Komitəsinin məlumatları əsasında apardığı hesablamalarına əsasən, bu, ötən ilin eyni dövrünün göstəricisindən dəyər ifadəsində 19 dəfə, kəmiyyət olaraq – 16 dəfə çoxdur.

Hesabat dövründə Azərbaycana Rusiyadan 927,8 min ABŞ dolları dəyərində (bir il əvvəlki göstəricidən 58 dəfə çox) 7 min 945 ədəd (+47 dəfə) və Gürcüstandan 209,4 min ABŞ dolları dəyərində (+5 dəfə) 2 min 170 ədəd (+4,5 dəfə) qoyun gətirilib.

2024-cü ildə Azərbaycana idxal edilmiş 182 min ədəd qoyunun 88 %-i Gürcüstanın payına düşüb.