Azərbaycan ötən il Şərqi Qara dənizdən 2 mln dollarlıq inşaat malları alıb

2021-ci ildə Türkiyənin Şərqi Qara dəniz bölgəsindən Azərbaycana 1,765 milyon ABŞ dolları dəyərində inşaat malları ixrac olunub.

“Report” türk mətbuatına istinadən xəbər verir ki, bu barədə Şərqi Qara Dəniz İxracatçılar Birliyi məlumat yayıb.

Məlumata görə, ötən il bölgədən ümumilikdə 43 milyon dollarlıq 181 min ton inşaat malları ixrac edilib ki, bu da əvvəlki illə müqayisədə müvafiq olaraq 1,1% və 11,2% çoxdur.

Hesabat dövründə bölgədən ən çox ixrac Gürcüstana (37,1 milyon dollarlıq) ixrac edilib. Rusiya isə Azərbaycandan sonra 716 min dollarlıq göstərici ilə 3-cü yerdə qərarlaşıb.