Azərbaycan kərə yağı və süddən hazırlanmış digər yağların idxalını 21% azaldıb

Bu il Azərbaycan 8 min 501 ton kərə yağı və süddən hazırlanmış digər yağlar idxal edib.

“Report” Dövlət Gömrük Komitəsinə istinadən xəbər verir ki, bu həcmdə kərə yağı və süddən hazırlanmış digər yağların idxal dəyəri 47 milyon 019 min ABŞ dolları təşkil edib.

Bu, həcm baxımından 2022-ci ilin müvafiq dövrü ilə müqayisədə 2 min 276 ton (21,1 %), dəyər baxımından isə 14 milyon 168 min ABŞ dolları (23,1 %) azdır.

Qeyd edək ki, kərə yağı və süddən hazırlanmış digər yağlar Azərbaycanın ümumi idxalının 0,96 %-ini təşkil edir.