Azərbaycan bu il Gürcüstandan 197 min dollarlıq sitrus meyvələri idxal edib

Bu ilin yanvar-noyabr aylarında Gürcüstandan müxtəlif ölkələrə 13,7 milyon ABŞ dolları dəyərinə 25 934 ton sitrus meyvələri ixrac olunub.

“Report”un yerli bürosu xəbər verir ki, bu barədə ölkənin Kənd Təsərrüfatı Nazirliyindən bildirilib.

İllik müqayisədə məhsulun həcmi 18,9 %, dəyəri isə 19,2 % artıb.

Hesabat dövründə Gürcüstandan ən çox sitrus meyvələri idxal edən ölkələrin ilk üçlüyünə Rusiya (13 145 ton), Ermənistan (10 407 ton) və Ukrayna (1 265 ton) daxil olub.

Azərbaycan isə qonşu ölkədən ümumi dəyəri 196,6 min ABŞ dolları olan 458 ton naringi və portağal tədarük etməklə ilk onluqda IV yeri tutub.