Alina Xələfova: "MiniBoss" biznes məktəbinin məzunları ailə bizneslərini idarə etməyə hazırdır

"MiniBoss Business School Baku"nu bitirən gənclərin arasında artıq öz biznesini quranlar var.

"Report" xəbər verir ki, bunu "MiniBoss" biznes məktəbinin rəhbəri Alina Xələfova jurnalistlərə açıqlamasında bildirib.

Onun sözlərinə görə, bu gün səhnədə ilk dəfə olaraq üç məzun çıxış edəcək:

"Onların hər üçü 15-17 yaş arasındadır. Bu gənclərin ailə biznesinin idarə olunması sahəsində ciddi potensialı formalaşıb. Bu, olduqca sevinc doğuran bir haldır".

A. Xələfova hesab edir ki, bununla yanaşı, valideynlərdən də bu cür fikirlər eşitmək məmnunluq yaradır: "Valideynlər bildirirlər ki, məktəbimiz sayəsində övladlarının iqtisadi bilikləri inkişaf edir və onlar biznes mühitində bu bilikləri uğurla tətbiq edə bilirlər".