"Sabunçu əyirici"nin səhmdarları ötən ilin maliyyə hesabatını müzakirə edəcəklər

Bakı. 3 may. REPORT.AZ/ “Sabunçu əyirici” ASC-nin səhmdarlarının ümumi yığıncağı keçiriləcək. "Report" dövrü mətbuata istinadən xəbər verir ki, iclasın 22 iyun saat 11:00-da keçirilməsi planlaşdırılır.

Gündəlikdə cəmiyyətin idarəetmə orqanlarının 2016-cı il üzrə maliyyə-təsərrüfat fəaliyyəti barədə hesabatı, maliyyə hesabatının təsdiqi, habelə digər məsələlərin müzakirəsi nəzərdə tutulub. Yığıncaqda bütün səhmdarların şəxsiyyəti təsdiq edən sənədlə (vəkil edilmiş nümayəndələr notarial təsdiq olunmuş etibarnamə və şəxsiyyəti təsdiq edən sənədlə) iştirakı vacibdir.

İclas Bakı şəhəri, 2-ci Zabrat qəsəbəsi, Tramvay küçəsi, 25 ünvanında keçiriləcək.