Azərbaycanın əsas tədarük bazarından buğda alışının dəyəri 26 % azalıb

Ötən ilin yanvar-noyabr aylarında Azərbaycana 281,3 milyon ABŞ dolları dəyərində 1 milyon 90 min 652 ton buğda idxal edilib.

"Report"un Dövlət Statistika Komitəsinin məlumatları əsasında apardığı hesablamalara əsasən, bu, 2022-ci ilin eyni dövrünün göstəricisindən dəyər ifadəsində 29 %, kəmiyyət olaraq – 6 % azdır.

Hesabat dövründə Azərbaycan Rusiyadan 230,2 milyon ABŞ dolları dəyərində (bir il əvvəlki göstəricidən 26 % azdır) 938 min 246 ton (+3 %) və Qazaxıstandan 51 milyon ABŞ dolları dəyərində (-41 %) 152 min 405 ton (-40 %) buğda alıb.

2022-ci ildə Azərbaycana idxal edilən (Rusiya, Qazaxıstan və Türkiyə) 1 milyon 289 min ton buğdanın 78,2 %-i Rusiyanın payına düşüb.