Azərbaycan buğda idxalını 52 %-dən çox artırıb

2023-cü ilin yanvar ayında Azərbaycan 142 min 655 ton həcmində buğda idxal edib.

“Report” Dövlət Gömrük Komitəsinə istinadən xəbər verir ki, bu həcmdə buğdanın dəyəri 43 milyon 423 min ABŞ dolları təşkil edib.

Bu, 2022-ci ilin müvafiq dövrü ilə müqayisədə həcm baxımından 48 min 951 ton (52,2 %), dəyər baxımından 10 milyon 948 min ABŞ dolları (33,7 %) çoxdur.

Xatırladaq ki, 2022-ci ildə istehsal olunmuş dənlilərin və dənli paxlalı bitkilərin 1 milyon 736,1 min tonunu və yaxud 54,9 %-ini buğda təşkil edib. Buğdanın məhsuldarlığı 31,9 sentner olub.

2022-ci ildə buğdanın əkin sahəsi 547,2 min hektar olub, sahələrdən 1 milyon 736 min hektar təşkil edib.